Ел Үкіметінің қаулысымен үш жыл бұрын Қазақстан Республикасының мерекелік күндерінің тізбесіне толықтырулар енгізілгені белгілі. Осылайша, 16 қазан – Нан күні болып белгіленді. Ал, 2006 жылдан бастап дәл осы күні – Дүниежүзілік нан күні болып аталып өтіледі. Көпшілік тұтынатын тағамдардың бірі – нан өндірісі біздің де өңірде қарқынды дамып келеді. Бұл іске сот үкімімен кінәлі деп танылып, бас бостандығынан айырылған азаматтарда өз үлесін қосуда. Мәселен, өңірлік Қылмыстық-атқару жүйесі департаментіне бағынысты №58 мекеменің аумағында жұмыс істейтін «Асима» жеке кәсіпкерлігі дастарханның берекесін келтіретін нан өнімін өндіруді мықтап қолған алған. Қазір мұндағы наубайханада 2 сотталған адам ақылы жұмыспен қамтылса, өзгесі ағаш өнімдерін жасауға күш салып жүр.