Үндістанның екі штаты «қара зең» эпидемиясын жариялады

Үндістанның Раджастан және Телангана штаттары «қара зең» деген атаумен белгілі мукормикоз эпидемиясын жариялады. «Штатта мукормикозбен ауыратын науқастардың саны COVID-19 әсерінен артуда. Бұл ауру COVID-19-дың жанама әсері ретінде шығып жатыр», - делінген Раджастанның денсаулық сақтау министрі Ахил Арора қол қойған хабарламада. Штатта бұл ауруға шалдыққан 100-ге жуық науқас бар, олар үшін ауруханадан арнайы бөлім құрылған.