Қазіргі таңда ең төменгі жалақы - 70 мың теңге. "Келесі жылы 85 мың теңге болады. Жұмыс берушілердің ешқайсысы осы көрсеткіштен төмен төлемеуі керек", - деді еңбек және әлеуметтік қорғау министрі Светлана Жақыпова. Министр ең төменгі жалақы мөлшерінің ұлғаюы шағын және орта бизнес өкілдеріне кері әсерін тигізеді деп санайды. "Қазақстанда ең төменгі жалақы 300 мың теңге болғаны жақсы болар еді. Бірақ біз шағын және орта бизнес туралы ойлауымыз керек. Олар ең төменгі жалақыдан міндетті төлемдерді де төлеуі керек. Бұл бизнес үшін өте үлкен жүктеме болады", - деп түсіндірді ол. Бұған дейін депутат Зайытов ең төменгі айлық 300 мың теңге болуы керек деген еді.