19-29 наурыз аралығында оқушылар 11 күн бойы көктемгі демалыста болады, деп хабарлайды Jambylinfo.kz 

Министрліктің мәліметінше, оқушылардың бос уақытын тиімді ұйымдастыру мақсатында «Адал азамат» біртұтас тәрбие бағдарламасы аясында жеке тұлғаны жан-жақты дамытуға бағытталған арнайы іс-шаралар кешені жүзеге асырылады.

Демалыстың әр күні «Наурызнама» онкүндігімен үйлестіріліп, отбасылық құндылықтар мен ұлттық дәстүрлерді дәріптеуге арналады. Оқушылар «Таза Қазақстан», «Еңбек адамы» және «Заң мен тәртіп» бағыттарындағы танымдық жобаларға қатысады. Сонымен қатар дәстүрлі «Жер сағаты» акциясына да атсалысады.

Балалардың қауіпсіздігін қамтамасыз ету бағытында да бірқатар іс-шаралар жоспарланған. Ата-аналармен бірлесе отырып жол қозғалысы, өрт қауіпсіздігі және киберкеңістіктегі қауіпсіздік шаралары бойынша кешенді түсіндіру жұмыстары жүргізіледі.