Оқушылар тұмауға байланысты онлайн оқи ма - министрлік пікір білдірді

Денсаулық сақтау министрлігі бір сыныпта оқушылардың 30 пайызы тұмау жұқтырса, онлайн оқуға көшуі мүмкін екенін мәлімдеген еді. Алайда Оқу-ағарту министрлігі бұл ұсыныспен келіспейді. «Әлемде мектептерді бірінші болып ашу, соңғы болып жабу қалыптасқан. Бұл туралы ЮНИСЕФ өкілдері де мәлімдеді. Біз балалардың толық сапалы білім алуын маңызды деп санаймыз»,- деді ведомство өкілі. Бұған дейін мамандар эпидемия маусымы басталғалы елде 764 247 адам тұмау жұқтырғанын хабарлады.