Олжас Бектенов: Арзандатылған жанар-жағармайдың мақсатсыз жұмсалуына жол бергендерге қатаң шаралар қолданылады
Бұл туралы Үкіметтің баспасөз қызметі мәлімдеді
Премьер-министр Олжас Бектенов шаруаларға арналған жанар-жағармайдың бөлінуін бақылауды күшейту қажеттілігіне ерекше мән берді, - деп хабарлайды Jambylinfo.kz
Энергетика министрлігінің деректеріне сәйкес, қазіргі уақытта 400 мың тоннадан астам жеңілдетілген жанар-жағармай бөлінген.
«Энергетика, Ауыл шаруашылығы министрліктері мен өңір әкімдері арзандатылған отынның тиісті көлемін жеткізуді бақылауда ұстасын. Әкімдіктер бір апта мерзімде өңірлік операторлар бойынша толық деректерді берсін. Шаруаларға тиесілі отынның сатылып кетуіне жол беретін компаниялар мен жеке тұлғаларға қатысты қатаң шаралар қабылдауды тапсырамын», — деп атап өтті Премьер-министр.