Оразбек Асылқұлов Азия чемпионатының жартылай финалына шықты
Жерлесіміз ринг қожайыны тай боксшысы Чуджан-Ат Пануванды жеңді
Бұл күндері Таиланд Корольдігінің Чиангмай қаласында өтіп жатқан Азия чемпионатында ширек финалдық жекпе-жегінде қазақстандық боксшы Оразбек Асылқұлов (57 кг) жергілікті спортшыны қапыда қалдырып, жартылай финалға жолдама алды, хабарлайды Jambylinfo.kz.
Оразбек Асылқұлов тай боксшысы Чуджан-Ат Панувантан 3 раунд бойы оқ бойы озық тұрды. Нәтижесінде төрешілер қазақ боксшысына бірауыздан 5:0 есебімен жеңісті берді.
Қарсылас шақ келтірмей жатқан отандасымыз енді 8 желтоқсан күні моңғол боксшысы Лундаа Гантумурмен финалдық жолдама үшін жұдырықтасады.