"Арқалық-Торғай" тас жолында балалар мінген "Газ 322131-288" маркалы автокөлігі өртенді, деп хабарлайды Ulysmedia.kz. Облыстық ТЖД мәліметінше, оқиға бүгін сағат 09:09-да Мирное ауылынан 15 км қашықтықта болған. "IQanat" олимпиадасына қатысу үшін оқытушылар 90 баланы төрт көлікпен алып бара жатқаны белгілі болды.

“Жүргізуші мен оқытушылардың үйлесімді және дұрыс әрекеттерінің арқасында 12 оқушы, 1 жүргізуші, 1 оқытушы жанып жатқан Газельден эвакуацияланды және қалған 3 көлікке көшіп, колонна құрамында жүруді жалғастырды”, – делінген хабарламада.

Өрт 10 сағат 25 минутта ауыздықталған. Мамандардың айтуынша, өртке автомобильдің электр сымдарының қысқа тұйықталуы себеп болған.