Бұл туралы ҚР Төтенше жағдайлар министрі Юрий Ильин мәлімдеді. Оның айтуынша, зерттеу барысында өрт сөндірушілер найзағай болмағандықтан, табиғи өрт шығу мүмкіндігін бірден жоққа шығарған. Өрттің абайсыздан шығуын да мүмкін емес деп отыр. Себебі бірнеше шашыраңқы ошақтар болған. "Көбінесе қасақана өртеушілер шөптің бағасын кейін көтеру үшін, әдейі жиналған шөптерді өртейді де, жалыны күшейіп көлемі шектен шығып кетеді",- дейді министр. Тергеп-тексеру жұмыстары әлі де жалғасуда.