Петропавл қаласында тасқынның шарықтау шегі бүгін түнде болуы мүмкін
Бұл туралы облыстық жедел штаб басшысы хабарлады. Оның айтуынша, түнгі 00:00-ден кейін Бескөл ауылы маңындағы су төмендей бастауы мүмкін.
Бірақ, ол су қаладан өткенімен, облыс аумағындағы басқа ауылдарға бара жатыр.
Қазір облыс аумағындағы 60-қа жуық жолды су басқан. Соның 4-і республикалық жол. Жүк көліктері кезекпен өткізіліп жатыр.
Ал Петропавлда электр желілерін қалпына келтіру жұмыстары жалғасып жатыр
Электрмен жабдықтау мәселесі кешкі 21:00-ге дейін толық қалпына келтіріледі. Бұл туралы Энергетика министрлігінің ресми өкілі Шыңғыс Ілиясов айтты.