Петропавлда стадион аумағында ірі өрт шықты
ТЖМ-ның хабарлауынша, зардап шеккендер туралы ақпарат 112-ге түскен жоқ.
Петропавл қаласындағы Сәтбаев көшесінің бойындағы стадион маңында өрт тіркелді. Төтенше жағдай орнына жоғары дәрежедегі шақырту бойынша өрт сөндірушілер жедел түрде жұмылдырылды, деп хабарлайды Jambylinfo.kz
Өрттің таралу аумағы нақтылануда
Төтенше жағдайлар министрлігінің мәліметінше, өрт бастапқыда гаражда басталып, кейін ангар типті жабық манежге тараған. Қазіргі уақытта өрттің қанша аумақты шарпығаны және жалынның толық сөндірілген-сөндірілмегені нақтыланып жатыр.
Зардап шеккендер туралы ақпарат жоқ
112 қызметіне зардап шеккендер туралы хабар түскен жоқ. Өрттің себептері мен келтірілген шығын көлемі алдағы тексеріс нәтижесінде анықталады.