Қазақстанда №3/4 «Астана-Алматы» пойызына ғаламтор қосылды, деп хабарлайды Jambylinfo.kz

Қазақстанда жолаушыларға ғаламтор ұсыну мүмкіндігін қарастыратын алғашқы пилоттық жоба аясында №3/4 «Астана-Алматы» пойызы елордадан алғашқы сапарын бастады. 17 сағаттық жолда 500 жолаушы ғаламторға қосылу мүмкіндігіне ие болды.

Жаңа қызметтің арқасында жолаушылар WhatsApp арқылы бейнеқоңырау шалып, YouTube-тан бейнероликтер көріп, басқа да танымал онлайн сервистерді пайдалана алды. Дегенмен, торренттер мен ағынды жүктеу сайттарына кіру шектелген. Ұзақ сапарларда ғаламтордың болуы жолаушылар үшін жол жүруді әлдеқайда ыңғайлы әрі қызықты ететіні атап өтілді.

Бұл қызмет заманауи спутниктік технологияларды қолдану арқылы жүзеге асырылды. Локомотивке орнатылған жабдық бүкіл бағыт бойында тұрақты және жоғары жылдамдықты ғаламторға қолжетімділікті қамтамасыз етеді.

Бақытжан Бекболат