Президенттікке кандидат Қасым-Жомарт Тоқаев Республикалық қоғамдық штабқа барды

Қасым-Жомарт Тоқаев Қазақстан Республикасының президенттігіне кандидат ретінде Республикалық қоғамдық штабқа барды, деп хабарлайды Жамбылинфо ҚазАқпарат сайтына сілтеме жасап. Еске салайық, кезектен тыс президенттік сайлауға Қ.Тоқаевты үміткер ретінде халық коалициясы ұсынған болатын. Коалицияға түрлі партиялар, қоғамдық бірлестіктер енді. Президент Қасым-Жомарт Тоқаевтың Жарлығымен Қазақстан президентін сайлау 20 қарашада өтеді. ҚР Орталық сайлау комиссиясы кандидаттарды тіркеуді аяқтады. Үміткерлер қазір үгіт-насихат жұмыстарын жүргізіп жатыр.