Жаңалықтар

ҚР Президентінің сайлауалды бағдарламасын іске асыру: ауылды және ауыл шаруашылығын дамыту

jambylinfo.kz

ҚР Президентінің сайлауалды бағдарламасын іске асыру: ауылды және ауыл шаруашылығын дамыту

ҚР Президенті Қасым-Жомарт Тоқаев «Әділетті Қазақстан: бәріміз және әрқайсымыз үшін. Қазір және әрдайым» атты сайлауалды бағдарламасында Үкімет алдына еліміздің агроөнеркәсіптік кешенін дамыту бойынша бірқатар жаңа міндеттер белгіледі.

Мемлекет басшысы атап өткендей, су үнемдейтін тиімді технология енгізіп, мелиорация және суару жүйесін қалпына келтіру керек. Сонымен қатар мемлекет ауыл шаруашылығы кооперативтерін ұйымдастыру бойынша кең ауқымды жобаны іске асыруда.

Президенттің сайлауалды бағдарламасы аясында Қазақстан Республикасының агроөнеркәсіптік кешенін дамыту бойынша бір жыл ішінде жүргізілген жұмыстар туралы Primeminister.kz сайтының кезекті материалынан оқыңыздар. /> ● <strong>Жеңілдетілген лизинг бағдарламасы</strong> аясында шаруалар <strong>40 млрд теңгеге</strong> <strong>1053 комбайн</strong> мен трактор сатып алды. ● <strong>2,8 мың</strong> бірлік мал азығын жинау техникасын сатып алуға <strong>20 млрд теңге бөлінд</strong>і. ● <strong>8 млн гектар</strong> пайдаланылмай жатқан жер мемлекетке <strong>қайтарылды</strong>. ● Ауыл шаруашылығы кооперациясын дамыту және ауыл тұрғындарының табысын арттыру мақсатында <strong>«Ауыл аманаты» жобасы жүзеге асырылуда</strong>. Жоба аясында республикадағы барлық жеке қосалқы шаруашылықтың жартысын кооперативтік кәсіпкерлікке тарту, шағын несие беру есебінен <strong>350 мыңнан астам жұмыс орнын</strong> құру және өткізу нарығына шығуды қамтамасыз ету көзделіп отыр. <strong>1 млн-нан астам</strong> ауыл тұрғынын қамтитын жобаны жүзеге асыруға барлығы <strong>1 трлн </strong>теңге қарастырылған. 2023 жылы республикалық бюджеттен <strong>17 мың</strong> шағын несие беру үшін <strong>100 млрд</strong> теңге бөлінді. Бұл ауылдық жерлерде <strong>18 мыңнан астам</strong> жаңа жұмыс орнын ашуға мүмкіндік береді. Бүгінде Шығыс Қазақстан, Қостанай және Павлодар облыстарында қаражат толығымен игерілді. Басқа өңірлерде жұмыс жалғасуда. ● Елді сумен қамтамасыз етуге қатысты өзекті мәселелерді шешуді көздейтін жаңа <strong>Су кодексінің жобасы әзірленді.</strong> Жоба сумен жабдықтау, су бұру, суару мәселелері, су шаруашылығы нысандарының қауіпсіздігі сияқты көптеген бағыттарды қамтиды. ● <strong>Елдің су шаруашылығы жүйесін жаңғырту жұмыстары жалғасын тауып келеді.</strong> Мәселен, 2025 жылға дейін Жамбыл, Қызылорда, Алматы, Ақмола және Батыс Қазақстан облыстарында <strong>сыйымдылығы</strong> <strong>1 700 млн м3</strong> болатын <strong>жаңа 9 су қоймасын</strong> салу жоспарланып отыр. Оны ауыл шаруашылығы мен өнеркәсіпте пайдалану жоспарланған. Екінші кезеңде Ақтөбе, Қызылорда, Шығыс Қазақстан және Қарағанды облыстарында <strong>705 млн м3 астам</strong> суға арналған <strong>11 су қоймасын</strong> салу қарастырылған. Сонымен қатар республикадағы суармалы ауыл шаруашылығы алқаптарының жалпы ауданын <strong>1,8 </strong>млн гектардан <strong>2,5</strong> млн гектарға дейін <strong>ұлғайту</strong>, қолданыстағы <strong>15 су қоймасы</strong> мен <strong>3,5 мың шақырым </strong>суару желілерін <strong>күрделі жөндеу</strong>, сондай-ақ <strong>212</strong> каналдың суды есепке алу жүйесін <strong>цифрландыру</strong> жоспарланып отыр.