Тыйым салынған заттарды жасырын түрде темір тордың ар жағына өткізуге ниеттенгендердің саны азаймай тұр. Соған қарамастан құйтырқы тірлік әшкереленіп, заңсыздықтардың жолы кесілуде. Тараздағы ерекше режимдегі №59-мекемесінде ағымдағы жылдың 6-қаңтар күні тағы бір құқықбұзушылық анықталды. Жазасын өтеушіге сәлемдеме арқылы қатаң тыйым салынған заттарды жөнелткен. Бұл жолы тосын сый «3 желания 800гр» майонезінің ішінен полиэтилен пакетіне оралып тығылған, онда 38-дана ақ түсті,спецификалық иісі жоқ таблеткалар және жасыл түсті, спецификалық иісі бар зат тәркіленді. Осы факт бойынша Жамбыл облысы бойынша Тараз қалалық Полиция департаментінің 1-Полиция басөармасының жедел тергеу тобы шақыртылып, тәркіленген заттарды анықтау үшін сот-химиялық сараптамасы тағайындалды.