Сарысуда қатты желдің салдарынан бірнеше ғимаратқа зақым келді

Жамбыл облысы Сарысу ауданы, Жаңатас қаласындағы сағат 17.00-дегі ақпарат бойынша желдің салдарынан «ЖаңатасСуЖылу» МКК-нің меншікті генераторларының қуаты айналым сорғыларының жұмыс істеуіне жеткіліксіз болып тұр.«ЖЭС» АҚ электр желілері тіректердің құлауына байланысты істен шықты. Ал "Шахан" қосалқы стансасында жабдықтарға мұз қатып қалған. Қатты желдің салдарынан қалпына келтіру жұмыстарын жүргізу мүмкін емес. Қазіргі таңда жылу жүйелерінен суды ағызу туралы шешім қабылданды. Жергілікті атқарушы органдар тарапынан халықты ақпараттандыру және жылу пункттерін дайындау жұмыстары жүргізілуде.