Әскери мектептің тәрбиеленушілеріне әлімжеттік жасалған видео тарады

Видео Семейдегі «Жас Ұлан» ерлер мектеп-лицей интернатында түсірілген. Бір видеода курсанттардың бірі екіншісін шапалақпен тартып жіберсе, екінші видеода офицер ұланды белбеубен ұрған. «Онда ақша сұрап бопсалайды. Ақша апарып бермегенім үшін мұрнымды сындырды. Оның жанында белбеумен ұрғандары түк те емес екен. Ал менің мұрным екі рет сынды. Шаптың арасынан ұрды», - деп жазылған телефоннан жасалған экран суретінде. Оқиға өткен жылдың қазан айында болған. Білім басқармасы взвод тәрбиеленушісі оқудан шығарылып, офицер қызметінен босатылғанын хабарлады.