Соғысты қолдаған депутат Азамат Әбілдаев "Ақ жол" партиясынан шығарылды

Оның Украинадағы соғыс туралы айтқан сөздері сараланып, тиісті саяси баға берілді, деп хабарлады партия. "Ұлттық кеңес Әбілдаевтың сөздері "Ақ жол" партиясының позициясына қарама-қайшы және сонымен қатар партиялық және депутаттық этиканы да бұзып тұрғанына баса назар аударды. Партия қашан да республикамыздың және басқа да дос мемлекеттердің тәуелсіздігі мен жер тұтастығын құрметтейді және қолдайды", - делінген ресми хабарламада. Әбілдаевтың депутаттық мандатын тоқтату туралы Орталық сайлау комиссиясына хат жолданған.