Сотталғандар «Біздің қаланың ханзадасы» фильмін тамашалады

Жамбыл облысы бойынша Қылмыстық-атқару жүйесі департаментіне бағынысты №26 түзеу мекемесіндегі жазасын өтеушілер «Біздің қаланың ханзадасы» атты драма жанрындағы фильмді тамашалады. Сотталғандар арасында тәрбиелік әрі әлеуметтік-психологиялық шаралар шеңберінде ұйымдастырылған шара барысында арнайы контингент өкілдері шынайы бақыттың адамзаттың рухани әрі моральды құндылықтарында жатқанын түсінеді. Жалпы, фильмнің кейіпкері – Бибол есімді жетім бала және ардагер, музыкант Қасымхан. Екеуі де көп нәрседен айырылған, бірақ бір-бірімен кездесудің нәтижесінде көп дүние өзгеруі мүмкін. Бала мен қарт достасып, өмірге қуануды үйрене бастайды. Уақыт өте келе Бибол нағыз бақыт рухани құндықтарда екенін терең сезінеді. Айта кетейік, осыдан бес жыл бұрын яғни, 2017 жылдың 1 маусым күні дәл осы драманың тұсауы кесілген еді.