Елімізде тамыз айында неке көп қиылады, деп хабарлайды Jambylinfo.kz

Елде некенің көпшілігі тамыз айында тіркеледі. Соңғы 10 жылда тамызда орта есеппен жыл сайын 14,9 мың неке қиылған.

2015-2022 жылдар аралығында шілде мен қыркүйек неке қию үшін жиі таңдалатын айлардың қатарында болды. Алайда соңғы 2 жылда қыркүйекке қарағанда маусым айы басым түсті.

Мәселен, 2024 жылы маусымда 11,6 мың, ал қыркүйекте 10,8 мың неке тіркелген.

Айта кетейік, соңғы 10 жылдағы ең төменгі неке қию көрсеткіші 2020 жылдың сәуірінде, яғни, пандемия кезінде тіркелді. Ол кезде барлығы 3,8 мың неке қиылған.