Түркістан облысында бес ауданда 20 елдімекенді су басты Осыған байланысты Төтенше жағдайлар министрі Түркістан облысында су басу мәселелері бойынша жедел кеңес өткізеді. Соңғы мәліметтер бойынша, Түркістан облысында бес ауданда 20 елдімекенді су басты. 27 көше мен 234 үйдің ауласына су кірген. 204 адам және 790 ұсақ мал эвакуацияланды. Бәйдібек ауданында 36 мал қырылды деген хабар түсті. Инертті материалдары бар 13 мыңнан астам қап төселді. Төле би, Қазығұрт ауданында әлі қар жатыр. Ол жаққа да қар жауған жағдайда төтенше жағдай болуы мүмкін. Дайындық жұмыстары жүргізіліп жатқаны хабарланды.