Түркістанда қасапшыны пышақтап өлтіріп кетті

Ер адамның мәйіті 22 ақпан түнде табылды. Марқұм базарда қасапшы болып жұмыс істеген. Тәртіп сақшылары, куәгерлерден жауап алып, барлық полиция бекеттеріне хабарлады. Күдікті сол түні ұсталды. Ол - Түркістан қаласының тұрғыны. Жас жігіт өз кінәсін мойындады. Заттай дәлел ретінде ас үй пышағы алынды. Алдын ала мәліметтер бойынша, екі ер адам арасында мал етін кесуге қатысты жанжал туындап, ізінше жәбірленуші пышақталып, күдікті оқиға орнынан қашып кеткен.