Жамбыл облыстық Қылмыстық-атқару жүйесі департаментіне бағынысты №58 түзеу мекемесінің аумағындағы «Еңбек-Тараз» филиалының бос ғимараттарына жеке кәсіпкерлерді тарту мақсатында «Ашық есік» күні өтті. Шараға облыс прокуратураның өкілдері Ғ.Қонақбаев, Э.Баймешов және өңірлік кәсіпкерлер палатасы мен облыс әкімдігінің кәсіпкерлік және индустриальды-инновациялық дамыту басқармасының сондай-ақ, Тараз қаласы әкімдігі мен Даму кәсіпкерлікті дамыту қорының қызметкерлері мен шағын және орта бизнес өкілдері қатысты. Жалпы, жеке кәсіпкерлердің түзеу мекемелерінің аумағында жұмыс істеуінің өз артықшылықтары бар. Мәселен, кәсіпкер арзан жұмыс күшін пайдалана отырып, өз өнімін сапалы етіп шығара алады. Тиісінше, ол өнімді тұтынушылардың да қатары көбейе түспек.