«Достық үйі» үйінде Таразда  «Талас – ұлы өркениеттер тоғысында» атты халықаралық ғылыми-тәжірибелік конференция өтіп жатыр, деп хабарлайды Jambylinfo.kz

Конференция жұмысына Жамбыл облысының әкімі Ербол Қарашөкеев, Қазақстан Республикасы Президентінің кеңесшісі Мәлік Отарбаев, Қазақстан Республикасы Парламенті Сенатының депутаты Бекболат Серікбекұлы Орынбеков, Қырғыз Республикасының Жамбыл облысындағы құрметті Консулына кандидат Жанұзақ Әлімханұлы Бейсеубаев қатысып, құттықтау сөздерін айтты.

Мұнан кейін  Мәжіліс депутаты, филология ғылымдарының докторы, ҚР Ұлттық ғылым академиясының құрметті академигі Ерболат Саурықов «Талас жазулары - түркі өркениетінің бастауы» тақырыбында, Әл-Фараби атындағы Қазақ Ұлттық университетінің тарих ғылымдарының докторы, Мадияр Елеуов «Қазақ хандығының құрылу жөніндегі аңыздар» тақырыбында және М.Әуезов атындағы Оңтүстік Қазақстан зерттеу университетінің Шыршық қаласындағы филиалының ректоры, тарих ғылымдарының докторы, профессор Дария  Қожамжарова «Тарих толқынындағы Тараз» тақырыбында баяндама жасады.