Халықаралық ұйымның есебінде республикадағы ана өлімі соңғы 20 жылда 76%-ға төмендегені атап өтілді, бұл жүктілік, босану және босанғаннан кейінгі кезеңде әйелдерге арналған медициналық көмектің сапасын жақсарту бойынша тиімді жүйелі шараларды іске асыру есебінен қол жеткізілді, - деп хабарлайды Jambylinfo.kz Денсаулық сақтау министрлігіне сілтеме жасап. 

Жүкті әйелдерге медициналық көмек көрсетудегі жағдайды жақсарту мақсатында Денсаулық сақтау министрлігі апта сайын өңірлермен «Аушерлік сағат» өткізеді, ауыр патологиясы бар әйелдерге күн сайын мониторинг жүргізеді. 

Өткен жылы Ұлттық шұғыл медицина орталығымен бірлесіп 906 жүкті және босанған әйелге 2140 қашықтықтан медициналық қызмет көрсетілді; санитариялық авиация 165 ұшу орындады; жергілікті жерде 9 әйелге операция жасалды; облыстық және республикалық клиникаларға тасымалданған ауыр жағдайдағы 127 әйелдің өмірін сақтап қалды. Босану саласында анестезиология-реаниматология, кардиология, хирургия, нейрохирургия, инфекция, пульмонология, тамыр хирургиясы, гематология, урология, гастроэнтерология және т. б. салаларда 40-тан астам жетекші маманды, профессорды және ғылыми және республикалық клиникалардың қызметкерін тарта отырып, телемедициналық консультациялар практикасы кеңінен енгізілуде.

«2023 жылмен салыстырғанда ҚР-да ана өлімі жағдайларының 12%-ға төмендеуіне қол жеткізілді, бұл 100 мың тірі туғанға шаққанда 10,1-ді құрады», - деп хабарлады Ана мен бала денсаулығын сақтау департаментінің директоры Мағрипа Ембергенова Денсаулық сақтау министрінің төрағалығымен босандыру қызметінің қызметін жетілдіру жөніндегі үйлестіру кеңесінің отырысында.  

2024 жылдың қорытындысы бойынша босандыру саласында 706 сыни жағдай тіркелді, оның 95%-ы қабылданған жүйелі шаралардың нәтижесінде әйелдердің өмірі сақталып қалды. 1000 босануға шаққандағы елдегі сыни жағдайдың көрсеткіші 1,9, өткен жылы ол 2,2-ды құрады. 

2021 жылдан бастап сыни жағдайлардың 40%-ға төмендеуі байқалады, алайда жүктілік кезінде алғаш рет диагноз қойылған ауыр соматикалық патологиялары бар жүкті әйелдердің өсуі байқалады.