Тоқаев: Бұрын-соңды болмаған геосаяси дауыл жағдайында өмір сүріп жатырмыз
Бейбітшілік пен ынтымақтастыққа деген ортақ ұмтылыс бәрімізді біріктіреді. Бұл туралы Азиядағы өзара ықпалдастық және сенім шаралары жөніндегі кеңестің VI саммитінде Мемлекет басшысы Қасым-Жомарт Тоқаев айтты, деп хабарлайды Ақорда.
Мемлекет басшысы бұл құбылыс қазірдің өзінде «жаһандық дисфункция» деп аталатындығына назар аударды.
«2019 жылы АӨСШК-нің бұған дейінгі саммиті өткізілгеннен бері әлемдік қоғамдастық ауыр сынақтардан өтті. Оның теріс салдары жаһандық дамуға әсер етуді жалғастырып отыр», - деді ҚР Президенті.
«Бейбітшілік пен ынтымақтастыққа деген ортақ ұмтылыс бәрімізді біріктіреді. Бірақ біздің жасампаз күш-жігерімізге қарамастан, әлем қауіпсіз бола бермейді. Бүгін біз бұрын-соңды болмаған геосаяси дауыл мен әлемдік экономиканың өсіп келе жатқан дағдарысы жағдайында өмір сүріп жатырмыз», - деді Қасым-Жомарт Тоқаев.
Автор
jambylinfo.kz
Jambylinfo.kz- Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз
Ұқсас жаңалықтар
