Украина тарапынан болған дрон шабуылдарынан кейін КҚК халықаралық сотқа шағым түсіру процесін бастады
Каспий құбыр консорциумы (КҚК) биыл ақпан-наурыз айларында болған ұшқышсыз аппараттардың шабуылынан кейін Украинаға қарсы халықаралық сотқа шағым түсіруді бастағанын хабарлады.
Бұл туралы КҚК бас директоры Николай Горбань мәлімдеді, деп хабарлайды Jambylinfo.kz РИА "Новости" сілтеме жасап.
Николай Горбань сот ісінің қашан қаралатыны белгісіз екенін айтты, себебі КҚК мұндай жағдайға бұрын тап болмаған.
Сондай-ақ оның айтуынша, Украина Қазақстан тарапынан "Кропоткин нысанына" жасалған шабуылға қатысты жолданған ресми сауалға әлі күнге дейін жауап бермеген.
Оның сөзінше, украин дрондарының шабуылы КҚК-ға 2,7 миллиард рубль көлемінде шығын келтірген.