Бүгін Т. Рысқұлов ауданында “Ауыл - ел бесігі" бағдарламасы аясында Жақсылық дәрігерлік амбулаториясы ашылды. 2020 жылдан бастап фельдшерлік-акушерлік пункт мәртебесінен дәрігерлік амбулаторияға ауыстырылған ғимарат 15 келушіге арналған. Елді мекендегі денсаулық ордасының ашылуына аудан әкімі Е. Есіркепов, облыстық денсаулық сақтау басқармасы басшысы міндетін атқарушы Х. Мурзақасымов , аудандық ардагерлер ұйымының төрағасы Қ. Бижанов және ауыл ардагерлері қатысты. Нысанның құрылыс жұмыстарын жүргізген мердігер - "Тұлпар строй сервис" жауапкершілігі шектеулі серіктестігі , сметалық құны 108 млн.

Тіркелген тұрғындар саны - 1740.

Дәрігерлік амбулаторияда - 11 адам жұмыс істейді: 1 жалпы тәжірибелі дәрігер - жас маман, 3 аймақтық мейірбике, акушерка, ем қабылдау және егу мейірбикесі, әлеуметтік маман, зертхпнпшы кіші бике жұмыс істейді .

Амбулаторияда бастапқы медициналвқ- санитариялық көмек , дәрігерлік қабылдау акушерлік қабылдау скринингті тексеру, екпе егу жұмыстары жүргізіледі. Сонымен қатар 2 төсекке күндізгі ауру стационары қарастырылған. Лабораторияда жалпы қан, зәр , қақ талдауы, микрореакция жасалады.

Аудан тұрғындарына 35 денсаулық сақтау нысаны 1 аудандық аурухана 1 аудандық емхана , 1 ауылдық емхана, 14 дәрігерлік амбулатория , 5 фельдшерлік'акушерлік пункт , 13 медпункт үздіксіз қызмет етеді.

Заманауи үлгіде жабдықталған жаңа ашылған нысанды тұрғындармен бірге аралап көрген басшылар ауыл тұрғындарына игіліктеріне пайдалануына тілектестік білдірді.