Жамбыл облысы бойынша Ішкі мемлекттік аудит департаментінің 2023 жылдың 1-ші тоқсанындағы қорытындысы

Департаментпен 2023 жылдың өткен мерзімінде 26 нысан аудиторлық іс-шарамен қамтылды, оның ішінде: тізім бойынша – 10, жоспардан тыс - 16,  оның ішінде: Комитеттің тапсырмасы бойынша - 5, заңды және жеке тұлғалардың жолданымдары бойынша – 11. Аудиторлық іс-шаралар нәтижесі бойынша 25 нысанда жалпы сомасы 6 623 088,3 мың теңге құрайтын бұзушылықтар анықталған, оның ішінде:  1 043 044,7 мың теңге қаржылық бұзушылықтар, 5 580 043,6 мың теңге рәсімдік сипаттағы бұзушылықтар, оның ішінде мемлекеттік сатып алу заңнамасының талаптары бұзылып, жалпы сомасы 5 290 861,8 мың.теңгеге бұзушылықтар анықталды, қабылданған ден қою шараларымен жалпы сомасы  4,263 млрд. теңгеге  3 мемлекеттік сатып алу келісім-шарттары бұзылды. Бюджетке қайтарылып қалпына келтірілуге тиіс 1 043 044,7 мың теңгеден қолданылған шаралар арқылы 500 986,1 мың теңге қайтарылып қалпына келтірілді, яғни орнын толтыру 48,0 пайызды құрады. Жүргізілген аудиторлық  іс-шаралар қорытындылары бойынша ден қою шараларымен анықталған бұзушылықтар үшін 40 лауазымды тұлғалар тәртіптік жазаға тартылды, 7 лауазымдық тұлғаларға қатысты әкімшілік іс қозғалып, 1707,7 мың теңге көлемінде айыппұл салынып толығымен өндірілді, яғни  орындалуы 100,0 пайызды құрады.