Қазіргі уақытта Жамбыл облысы аумағында барлық жолдар ашық, деп хабарлайды Jambylinfo.kz.   

Облыстық полиция департаментінің мәліметінше, қазіргі  уақытта патрульдік экипаждар Айша бибі ауылынан бастап Түркістан облысы бағытына қарай 20 көліктен араға 15-20 минут салып жіберіп жатыр.

Сонымен қатар, Алматы қаласы бағытына жол ескі Қордай асуы арқылы жүзеге асырылуда.

Еске салайық, 7 қаңтарда Жамбыл облысында боранды жел, көктайғақ және көрінудің шектелуіне байланысты Тараз қаласынан Түркістан облысына (Жуалы ауданы) және Алматы облысына (Қордай ауданы) көлік құралдарының барлық түрлері үшін азаматтардың қауіпсіздігі үшін жол жабылды. Қозғалыс шектелген жолдардың бойында 1050-ге жуық көлік қалған. Құтқаруға барлығы 100-ден астам полиция қызметкері, 45 автоэкипаж жұмылдырылған.