Жамбыл облысында Президент кеңесшісі құқық қорғау органдарымен кездесу өткізді
Кездесуге облыс әкімінің орынбасары Серік Сәлемов, ПД басшысы Бақытжан Малыбаев қатысты.
ҚР Президентінің кеңесшісі Мәлік Отарбаев Жамбыл облысы полиция департаментінің жеке құрамымен кездесу өткізді, - деп хабарлайды Jambylinfo.kz
Кездесудің негізгі тақырыбы - Президент Қасым-Жомарт Тоқаевтың бастамасымен болған Ұлттық құрылтайдың IV отырысының тапсырмалары болды.
Мәлік Отарбаев өз сөзінде елімізде кез-келген құқық бұзушылыққа нөлдік төзімділік жағдайында қалыптасудың, заң мен тәртіп ережесін нығайтып, қауіпсіз, жайлы орта құрудың маңыздылығын атап өтті.
Қасым-Жомарт Тоқаев интернет-алаяқтыққа қатысты, отбасылық зорлық-зомбылықтың алдын алу секілді бірқатар мәселелерді де көтерген.
Ұлттық құрылтай отырысының бастамасымен елімізде 2026-2028 жылдарға арналған нашақорлықпен және есірткі саудасымен күресудің жаңа Кешенді жоспары қабылданады.
Полиция қызметіне қатысты осындай және басқа да мәселелер, негізгі талаптар мен нұсқаулар жеке құрам назарына жеткізілді.