Жамбыл облысында тау баурайымен Қырғызстанға мал айдап өтпек болған 5 адам ұсталды. Олар шаруалардың несиеге алған асылтұқымды 123 бас сиырын шекара асырмақ болған, - деп хабарлайды Jambylinfo.kz  qazaqstan.tv сілтеме жасап. 

Ірі қара малды алдына салып айдағандарды шекарашылар ұстады. Ақбас және ангус тұқымды сиырлардың барлығы ет бағыты үшін алынған. Соңғы жылдары Өзбекстан және Қырғызстанға ұрланған малды заңсыз өткізу дерегі тыйылмай тұр. Шекарашылар жыл басынан бері 1 300  бас сиырды иелеріне қайтарған. Ал контрабандамен айналысты деген күдікпен шекараны заңсыз кескен 10 азаматқа қатысты сотқа дейінгі тергеу жүріп жатыр.