Жамбыл облысында өткен тәулікте коронавирус инфекциясын 40 адам жұқтырған

Қазақстанда өткен тәулікте коронавирус инфекциясын жұқтырған 1104 жағдай тіркелді, деп хабарлайды Жамбыл инфо, Қазақпарат сайтына сілтеме жасап. COVID-19 таралуына жол бермеу жөніндегі ведомствоаралық комиссияның мәліметінше, оның ішінде, Нұр-Сұлтан қаласында - 328, Алматы қаласында - 350, Шымкент қаласында – 102, Ақмола облысында – 14, Ақтөбе облысында – 10, Алматы облысында - 88, Атырау облысында - 18, Шығыс Қазақстан облысында - 13, Жамбыл облысында - 40, Батыс Қазақстан облысында - 11, Қарағанды облысында - 58, Қостанай облысында - 15, Қызылорда облысында - 16, Маңғыстау облысында - 12, Павлодар облысында - 10, Солтүстік Қазақстан облысында - 10, Түркістан облысында 9 індет жұқтырған. «Елімізде коронавирус инфекциясын жұқтырғандар саны 1 312 294-ке жетті», - деп жазды комиссия. Осы күні елімізде 334 тұрғын қауіпті індеттен жазылып шыққан. Нұр-Сұлтан қаласында - 69, Алматы қаласында - 230, Алматы облысында - 14, Қарағанды облысында - 17, Қостанай облысында - 3, Түркістан облысында 1 адам үйлеріне оралды. Елімізде барлығы 1 294 233 адам COVID-19-дан емделіп, сауығып шықты.