Жамбыл облысында витреоретинальды хирургия бойынша алғашқы шеберлік сыныбы өтті, деп хабарлайды Jambylinfo.kz

Жалпы алғанда витреоретинальды хирургия дегеніміз – көздің шыны тәрізді денесі мен тор қабатына жасалатын күрделі операциялар жиынтығы. Жамбыл облыстық офтальмология орталығы Alcon (АҚШ) компаниясының CONSTELLATION жүйесін сатып алып, жоғары дәлдіктегі хирургиялық әдістерді енгізді.

Операциялар кепілдендірілген тегін медициналық көмек аясында жүргізіледі. Бұл әдіспен көз торының ажырауы, ұйымдасқан гемофтальм, витреомакулярлық тракциялық синдром және толық дислокацияланған ИОЛ секілді диагноздар бойынша ем жасалады. Пациенттер тәулік бойғы стационарда ем алады.

Шеберлік сыныбында жетекші офтальмологтар заманауи әдістермен бөлісті. Бұл бастама өңірдегі көз ауруларын емдеудің сапасын арттырады.