Жамбыл облысындағы №58 мекемеде азаматтардың өтініштері қаралды
Қабылдауға Ақтау қаласынан келген азаматша Вылуска Е.В. жүгінді.
Жамбыл облысы бойынша Қылмыстық-атқару жүйесі департаментінің «№58 мекеме» РММ бастығының міндетін атқарушы, әділет подполковнигі Ерғазы Ералханович азаматтарды жеке қабылдады.
Қабылдауға Ақтау қаласынан келген азаматша Вылуска Е.В. жүгінді.
Ол қазіргі уақытта 7 жыл мерзімге бас бостандығынан айыру жазасын одан әрі өтеу үшін «№58 мекеме» РММ-не этаппен жеткізіліп жатқан ұлының мәселесі бойынша өтініш білдірді.
Қабылдау барысында өтініш беруші шартты түрде мерзімінен бұрын босату тәртібін, жазаның өтелмеген бөлігін неғұрлым жеңіл жаза түріне ауыстыру мүмкіндігін, сотталған адам мекемеге келгеннен кейін мемлекеттік талап-қарызды өтеу мақсатында оны жұмысқа орналастыру мүмкіндігін, сондай-ақ сотталғандарға бандерольдер мен сәлемдемелер беру тәртібін түсіндіруді сұрады.
Мекеме бастығының міндетін атқарушы шартты түрде мерзімінен бұрын босату және жазаның өтелмеген бөлігін неғұрлым жеңіл жаза түріне ауыстыру мәселелері Қазақстан Республикасының Қылмыстық кодексі мен Қазақстан Республикасының Қылмыстық-атқару кодексінде көзделген тәртіппен және негіздер бойынша сотпен қаралатынын түсіндірді. Бұл ретте жасалған қылмыстың санаты мен ауырлығы, жазаның нақты өтелген мерзімі, сотталғанның мінез-құлқы және заңнамада көзделген өзге де шарттар ескеріледі. Сотталғанның түзелу дәрежесі қылмыстық-атқару заңнамасының талаптарына сәйкес мекеме әкімшілігімен айқындалады.
Қосымша түрде сәлемдемелер мен бандерольдерді алу саны мен тәртібі қылмыстық-атқару заңнамасымен белгіленетіні және мекеме түріне, ұстау жағдайларына әрі сотталғанның мінез-құлқына байланысты болатыны түсіндірілді.
Қабылдау қорытындысы бойынша өтініш берушіге қолданыстағы заңнама нормаларына сәйкес жан-жақты түсіндірмелер берілді. Азаматтардың өтініштерімен жұмыс жүргізу мекеме басшылығының тұрақты бақылауында.