Жамбыл облысында тәртіптік істерді қарау нәтижелері бойынша 21 лауазымды тұлғаға тәртіптік жаза қолдану ұсынылды деп хабарлайды Jambylinfo.kz. Оның ішінде: мемлекеттік қызметке кір келтіретін құқық бұзушылық жасағаны үшін – 20, әдеп нормаларын бұзғаны үшін – 1 және 7 тәртіптік іс тоқтатылған. Бұл туралы облыс әкімдігінде өткен әдеп жөніндегі кеңесте айтылды. Тәртіптік жаза түрлері бойынша: 2 тұлға атқаратын лауазымынан босатылған. Ал 18 қызметкер қызметіне толық сәйкес еместігі туралы ескерту алған және 1 тұлғаға ескерту жасалған.

«Бүгінгі таңда Әдеп жөніндегі кеңестің ұсынымдары 100% орындалған, яғни ұсынымдарды негізсіз орындамаған лауазымды тұлғалар жоқ. Сонымен қатар, Әдеп жөніндегі кеңеспен қаралған 28 тәртіптік істің 2-і бойынша лауазымды тұлғалардың мемлекеттік қызметке кір келтіретін тәртіптік теріс қылықтары расталмауына байланысты, оларға қатысты тәртіптік істер тоқтатылған.»- деп баяндады Мемлекеттік қызмет саласындағы бақылау басқармасының басшысы Қуат Мадиев.