Бұл туралы Жамбыл облысы өңірлік коммуникациялар алаңында Жамбыл облысы әкімінің орынбасары Еркін Үйсімбаев мәлім етті.

Облыста жаңа оқу жылында 447 мектепке 240 мыңнан аса оқушы келеді деп күтілуде (өткен оқу жылында 444 мектеп). Ал 1 қыркүйекте 6 мектептің жаңа құрылысы пайдалануға беріледі деп жоспарлануда.

Өткен оқу жылымен салыстырғанда мектептер саны 3-бірлікке артып, 447-ні құрайды.

«Қазіргі таңда облыста 1 апатты (Шу ауданындағы Ғ.Мұратбаев атындағы орта мектебінің 1 бөлігі), 3 үш ауысымды (Жамбыл ауданындағы Айша бибі ОМ, Қордай ауданындағы №7 ОМ, Тараз қаласындағы №50 ОМ),                     2 орын тапшылығы бар мектептер бар (Тараз қаласындағы №53, №55 ОМ).2022 жылы 15 мектепте (6,8 млрд. теңге қаржы) құрылыс жұмыстары жүргізілуде. Оның ішінде 2022 жылы 10 мектеппайдалануға беріліп (Байзақ – 2, Жамбыл  -1, Жуалы-2, Қордай-1, Шу-1, Тараз қаласы-3), 2 үш ауысымды, 2 оқушы орын тапшылығы, 6 тозығы жеткен мектептің мәселесі шешіледі деп жоспарлануда» - деді Еркін Үйсімбаев.