Жамбылда бір тәулікте көктайғақтан 79 адам жарақат алған

Облыста көктайғақ салдарынан құлап жарақат алғандар қатары артты. Бір күннің ішінде өңірдегі травматология орталығына 100-ге жуық адам медициналық көмекке жүгінді, деп хабарлайды Jambylinfo.kz. Облыстық денсаулық сақтау басқармасы баспасөз қызметінің мәліметінше, жарақат алып, дәрігерлердің көмегіне жүгінгендер әр түрлі жастағы тұрғындар.

– Бір күнде 100-ден астам адам жарақат алса, оның 79-ы көшеде тайып құлап, аяқ-қолын сындырғандар. Бүгінгі күні 2 науқас ауыр жағдаймен ауруханаға жатқызылды, — дейді облыстық денсаулық сақтау басқармасы мамандары.