Өңірлік Қылмыстық-атқару жүйесі департаментіне бағынысты №26 түзеу мекемесінің жеке құрам қызметкерлерінің қатары жас мамандармен толығуда. Дәлірек айтқанда, әділет қатардағы Айсұлу Исмаилова мен кіші сержант Сәуле Сәрсенбаева осы салада жұмыс істеуге ниетті. Ал, білікті қызметкерлер қос жас маманды қиындығы мол салаға бейімдеу мақсатында білгенін үйретуге күш салуда. Мәселен, күні бүгін екі жас маманға мекеменің бақылау-өткізу пунктінлегі бейнебақылау жүйесімен жұмыс істеу және тінту жасау әдістері үйретілді. Айта кетейік, жабық мекемелерде ереже мен тәртіптің қатаң сақталуы аса маңызды. Бұл – құқықтық қоғамның қалыптасуына әсер етіп қана қоймай, мұндағы жазасын өтеушілердің тезірек бостандыққа шығуына мүмкіндік береді.