Жуалыда жоғалып кеткен екі тұрғын әлі табылған жоқ

2024 жылдың 11 қаңтарында сағат 12.15-те Жамбыл облысы ТЖД Күштер мен құралдарды жедел басқару орталығының «112» телефон нөміріне Жуалы ауданы, Билікөл көлі маңындағы Қарабастау ауылының 1981 және 1987 жылғы тұрғындары қайыққа мініп, балық аулауға кеткендігі және олардан еш хабар жоқтығы жөнінде көмек сұрап хабарлама түскен деп хабарлайды Jambylinfo ТЖД баспасөз қызметіне сілтеме жасап. Оқиға орнына Жамбыл облысы ТЖД тиісті күштері мен құралдары жедел жетіп, бүгінгі күнге дейін іздестіру жұмыстарын жүргізуде. Ауа-райының қолайсыздығына байланысты іздеу жұмыстары күрделенуде. Қазіргі уақытта Билікөл көлінің маңында жүрігізіліп жатқан іздестіру жұмыстарына . ТЖД д жеке құрамның 14 адамы және пилотсыз ұшу аппараттарының 3 бірлігі, 4 жүзу құралдары жұмылдырылған, 1 бірлік Эхолот. Жергілікті атқарушы органдардан 3 адам, 1 бірлік техника, жергілікті полиция қызметі 1 адам, 1 бірлік техника, Іздеу жұмыстарына 40 жергілікті тұрғын , 10 бірлік техника және 5-ші жүзу құралдары мен қосылды. Сонымен қатар, іздеуге "Лидер.кз" еріктілер қозғалысының 30 еріктісі қатыстысқан . Барлығы 58 адам 14 бірлік техника, 3 бірлік ҰҰА(ұшқышсыз ұшу аппараты) және 9 жүзу құралы, 1 бірлік Эхолот жұмылдырылды. Іздеу жұмыстары үздіксіз жүргізілуде. ТЖД қызметкерлері күзгі қысқы кезеңде облыстың су айдындарында 800-ден астам профилактикалық рейд жүргізілді.