Алматы қалалық Полиция департаменті бокстан әлем чемпионы Жанқош Тұраровқа қатысты дау туралы мәлімдеме жасады, деп хабарлайды Jambylinfo.kz.1bol.kz сілтеме жасап. 

Естеріңізде болса, 21 тамызда 1996 жылы туған бойжеткен Алматының Әуезов аудандық полициясына Тұраровтың өзін зорлағаны туралы шағыммен келген. Көп ұзамай полиция қылмыстық іс қозғалғанын алға тартқанымен, боксшының өзі бұл сөздерді жоққа шағырды. Осы орайда тілшілер тағылған айыпқа екі айдан асса да Жанқош Тұраровтың неліктен бостандықта жүргенін сұраған.

«Іс жүргізу аясында сот-медициналық және сот-биологиялық сараптамалар жүргізілді, олардың нәтижелері бойынша зорлау фактісі расталған жоқ. 20 қазанда Қазақстан Республикасы Қылмыстық-процестік кодексінің 35-бабы 1-бөлігі 2-тармағының негізінде сотқа дейінгі тергеп-тексеруді тоқтату туралы түпкілікті шешім қабылданды. Қабылданған шешіммен Әуезов ауданының прокуратурасы келісті», - делінген полиция жауабында.

Ал істің тоқтатылуына  қатысты жәбірленуші тарап ешқандай пікір берген жоқ.