Қазақстандық картина халықаралық фестивальде «Үздік азиялық фильм» атанды

18

Бангладеште өткен Cinemaking International Film Festival халықаралық кинофестивалінде қазақстандық «Қыз бен теңіз» көркем фильмі «Үздік азиялық фильм» номинациясын жеңіп алды.

«Қыз бен теңіз» фильмінің режиссерлері — Әзімжан Заиров пен Мұхаммед Мамырбеков.

«Cinemaking International Film Festival халықаралық кинофестивалінің қорытындысы бойынша картина «Үздік азиялық фильм» номинациясын жеңіп алды. Ұйымдастырушылардың мәліметінше, кинофестивальға 50 елден 150-ге жуық картина қатысқан», — делінген хабарламада.

Айта кетейік, «Қыз бен теңіз» фильмін «Қазақфильм» киностудиясы ҚР Мәдениет және спорт министрлігінің тапсырысы бойынша «Жаңа әлем» АРДИ видеостудиясымен бірге түсірген.

 

Tengrinews.kz