2024 жылғы пітір садақаның мөлшері белгілі болды
Қазақстан Мұсылмандары Діни басқармасы биылғы пітір садақаның мөлшерін жария етті
2024 жылы Қазақстанда пітір садақаның мөлшері 640 теңге болып бекітілді, деп хабарлайды jambylinfo.kz.
Қазақстан Мұсылмандары Діни басқармасының мәліметі бойынша, 2024 жылғы Рамазан айындағы бір адам үшін берілетін пітір садақа мөлшері 2 келі ұнның нарықтық орташа бағасымен есептеліп, 640 теңге етіп белгіленді.
Осы ретте ол “тұрмысы нашар, яғни артық мал-мүлкі нисаб мөлшеріне жетпеген кісі пітір садақа беруге міндетті емес, сауап үшін беріп жатса өз еркі. Қайтыс болған адамдарға, ана құрсағындағы балаға пітір садақа берілмейтінін” айтып отыр.
Айта кетейік, биыл Рамазан айы наурыз айының 11-і күні басталады.