«50 млн теңгеге Rolls-Royce алып беремін деп алдаған»: Алаяқтық жасады деген күдікті БАӘ-ден экстрадицияланды
Ол осыдан 14 жыл бұрын көлік әперемін деп өзгенің ақшасын алған
Бас прокуратура мен Интерпол қызметкерлері Қазақстан Республикасының Сыртқы істер министрлігінің көмегімен Біріккен Араб Әмірліктерінен ірі мөлшерде бөтеннің мүлкін жымқырған күдіктіні қылмыстық жауапкершілікке тарту үшін экстрадициялады, деп хабарлайды jambylinfo.kz
Күдікті 2010 жылдың қазан айында жәбірленушіден АҚШ-тан «Роллс-Ройс» маркалы автокөлікті жеткізу үшін 50 млн теңгеден астам ақшасын алып, қашып кеткен.Оған қатысты қылмыстық іс қозғалып, халықаралық іздестіруге жарияланған.