«Айбын-2020» әскери-спорттық жастар ойындары басталды

72

Тараз қаласындағы «Достық үйінде» облыс әкімдігінің жастар саясаты мәселелері басқармасы мен облыстық Қорғаныс істері жөніндегі департаментінің ұйымдастыруымен «Айбын — 2020» әскери-спорттық жастар ойындары өтті.
Мақсаты – жастарға әскери-патриоттық тәрбие беру, отансүйгіштікке баулу, әскери құндылықтарды насихаттай отырып, азаматтық жауапкершіліктерін орнықтыру, облыс жастарының әскери қабілеттерін шыңдау, жаңа қазақстандық патриотизм түсінігін жастарға ұғындыру.
Карантиндік жағдайларға байланысты республикалық ойын алғаш рет онлайн түрде ұйымдастырылды.
Өңірімізден аталған шарада «Жас сарбаз» және «Оңтүстік» өңірлік қолбасшылығы әскери басқармасының командасы бақ сынауда.
Ойындардың ресми ашылуына облыс әкімінің орынбасары Е.Жылқыбаев қатысты. Ойын барысында арнайы концерттік бағдарлама қойылды.