Барлық сұрақтар бақылауға алынды

28
Жамбыл облысының әкімі Бердібек Сапарбаев бейнебайланыс режимінде азаматтарды қабылдады.
Аймақ басшысына жеке мәселелері бойынша Тараз, Жуалы және Меркі аудандарының тұрғындары жүгінді. Облыс орталығының тұрғындарын тұрғын үй мәселесі толғандырады. Облыс әкімі оларға баспана кезекке сәйкес берілетінін түсіндірді.
Азаматтардың өтініштерінің басым бөлігі әлеуметтік салаға қатысты болды. Бердібек Сапарбаев барлығын мұқият тыңдап, жауапты тұлғаларға келіп түскен өтініштерді қарауды тапсырды.
Суретші Фатима Таразе облыс орталығында екі мәрте Кеңес Одағының Батыры Талғат Бигелдиновке ескерткіш орнатуды ұсынады. Облыс әкімі бұл мәселе заңнамаға сәйкес шешілетінін атап өтті.

 

Жамбыл облысы әкімінің баспасөз қызметі