«Бес жыл бұрын 200 мың, қазір 400 мың теңге»: Депутат Мұқаев жалдамалы пәтерді босататын жастардың тағдырына алаңдады
Оның айтуынша, бес жыл ішінде Қазақстандағы пәтер ақы екі есеге қымбаттаған
Мәжіліс депутаты Дәулет Мұқаев Премьер-Министрінің орынбасары Қанат Бозымбаевтың атына жолдаған депутаттық сауалында 10%-дық бастапқы жарнамен өздері тұрып жатқан баспанасын сатып алуға мүмкіндік беру мәселелесін қарастыруды қайта сұрады, деп хабарлайды jambylinfo.kz.
Оның айтуынша, 2019 жылдан бері Астана, Алматы, Шымкент қалаларында жалдамалы пәтерге орныққан жастардың саны 10 000-ға жуықтады. 2019 жылы баспана алған жастардың баспананы босатуына да аз уақыт қалған.
Екіншіден, елде жастарға арналған тиімді мемлекеттік бағдарлама жоқ дейді ол. Ал, үшіншіден, жалдамалы пәтер алған жастар өзге де мемлекеттік бағдарламалар мен үй кезегінде тұру мүмкіндігінен айырылған.