«Таза Қазақстан» акциясына миллионнан астам адам қатысқан
«Таза Қазақстан» республикалық экологиялық акциясының үшінші аптасы аяқталды
«Жасыл аймақ» апталығы аясында бүкіл ел бойынша 330 мыңнан астам көшет отырғызылып, 500-ден астам саябақ мен алаң абаттандырылды. Жалпы, акцияға еліміз бойынша бір миллионнан астам адам қатысқан, деп хабарлайды jambylinfo.kz.
Айта кетейік, іс-шаралар Жамбыл облысында – 29 сәуірге, Алматыда – 30 сәуірге, Ақтөбе облысында – 1 мамырға, Шымкентте – 2 мамырға, Қостанай облысында – 3 мамырға, Түркістан облысында және басқа өңірлерде – 4 мамырға жоспарланған. Жастар ресурстық орталықтары, ұйымдар, волонтерлік қоғамдастықтар акция шеңберінде өткізілетін барлық іс-шараларға белсенді қатысады.