"Ауыл" партиясының өкілдері еңбек ұжымдарымен кездесуде

«Ауыл» партиясы атынан Қазақстан Республикасы Парламенті Мәжілісінің депутаттығына кандидат Валентин Васильевич Хадановичтің «Азимут» ЖШС еңбек ұжымымен кездесуі өтті. Кездесу барысында азық-түлік қауіпсіздігі мәселелері талқыланды. Кез келген мемлекеттің азық-түлік қауіпсіздігі – ұлт қауіпсіздігінің ажырамас бөлігі. Халықты азық-түлікпен қамтамасыз етуді жақсарту негізгі әлеуметтік-экономикалық міндет болып табылады. Оны шешу ТМД-ға қатысушы әрбір мемлекет үшін маңызды. Азық-түлік қауіпсіздігін қамтамасыз ету – мемлекетаралық өзара іс-қимылдың ең өзекті бағыты. Өйткені, ол ұлттық, экономикалық, әлеуметтік, демографиялық және экологиялық факторлардың кең спектрін қамтиды. Кездесу барысында Валентин Хаданович негізгі бастама – мемлекетіміздің азық-түлік қауіпсіздігі Заңын немесе тұжырымдамасын әзірлеу туралы ұсыныстарын айтылды. "Бұл тұжырымдамаға немесе доктринаға мыналар негіз болуы керек:

1. Ауыл аумақтарының негізгі табиғи-экологиялық әлеуетін – ауыл шаруашылығы мақсатындағы жерлерді қорғау. Жер иеліктен шығарылмауы немесе ҚР азаматтығына қатысы жоқ тұлғаларға жалға берілмеуі тиіс. Шаруашылық басқармасына ауыл шаруашылығы мақсатындағы жер алған тұлғалар топырақтың жойылмайтын физикалық құнарлылығын қамтамасыз етуі тиіс.
2. Мемлекеттің ауыл шаруашылығы саласының өзіндік генетикалық әлеуетін сақтауға және дамытуға кепілдік беруі.
3. Жеке меншік ауыл шаруашылығы машиналарын жасауды дамыту есебінен ауыл шаруашылығының материалдық-техникалық базасын едәуір нығайту». Азық-түлік қауіпсіздігі және аграрлық саладағы өзара тиімді ынтымақтастықты дамыту мәселелері мемлекетіміздің экономикалық саясатында маңызды орын алады. Ауыл шаруашылығы объективті түрде жаһандық экономиканың негізгі саласына айналуда. Бұл фактілердің барлығын «Ауыл» партиясының мүшелері назардан тыс қалдырмайды. Нағыз патриоттар, ауыл тұрғындары үшін бұл тақырып әрқашан да өзекті. Азық-түлік қауіпсіздігі бойынша осы және басқа да мәселелерді Қазақстан Республикасы Парламенті Мәжілісіне кандидат Валентин Васильевич Хаданович «Азимут» ЖШС ұжымымен талқылады. Өндіруші кәсіпорын «Азимут» ЖШС 10 жылдан астам суық сығымдалған майлар өндірісіне маманданған. Олар зығыр майы, қыша, арыш, күнбағыс, күнжіт, жержаңғақ, қарасора, қыша ұнтағы, зығыр ұны, күнжіт ұны, жержаңғақ ұны, қарасора ұны, диеталық кисельдер және басқа да функционалды тағамдарды шығарады.