Облыс әкімі Бердібек Сапарбаев онлайн дауыс берді

Бүгін праймериз қатысушыларына дауыс берудің үшінші күні. «Nur Otan» партиясы Жамбыл облыстық филиалының төрағасы, облыс әкімі Бердібек Сапарбаев Тараз қаласындағы №3 дауыс беру учаскесіне келіп, өз таңдауын жасады.

Жалпы, Жамбыл облысы бойынша праймеризде бақ сынауға 768 кандидат тіркелді. Кандидаттардың 269-ы әйелдер, 222-сі 35 жасқа дейінгі жастар, 28-і көп балалы анадар, 29-ы қандастар және 8-і мүмкіндігі шектеулі жандар. Үміткерлердің 111-і бастауыш партия ұйымдарынан ұсынылса, 657-і өзін-өзі ұсыну мүмкіндігін пайдаланған. Кандидаттардың қатысуымен 2736 шара өтті. 176 жария пікірсайыс ұйымдастырылды. Қазіргі таңда сайлау учаскелеріндегі жұмыс қыза түсуде. Бүгін сағат 10.00-дегі мәлімет бойынша 42469 сайлаушы онлайн дауыс береді деп күтілсе, оның 31855-і өз таңдауын жасап үлгерген. Ал, 4557 сайлаушы дәстүрлі дауыс беру әдісін таңдаған.